Հայաստանի ֆուտբոլի ազգային հավաքականը սկսել է նախապատրաստվել ԱԱ-2026-ի ընտրական մրցաշարում Հունգարիայի եւ Պորտուգալիայի դեմ վերջին խաղերին:
Երեկ Հայաստանի ընտրանին Եղիշե Մելիքյանի գլխավորությամբ առաջին մարզումն է անցկացրել ֆուտբոլի ակադեմիայում:
Գեորգի Հարությունյանը, Ստյոպա Մկրտչյանը, Էդուարդ Սպերցյանը եւ Հրանտ-Լեոն Ռանոսը թիմի ճամբարում կլինեն այսօր, իսկ Նաիր Տիկնիզյանը՝ նոյեմբերի 11-ին։
Ուգոչուկվու Իվուն Ռուսաստանի Պրեմիեր Լիգայի «Պարի»-«Ռուբին» խաղի 82-րդ րոպեին մկանային վնասվածքի պատճառով փոխարինվել է ու չի կարողանա միանալ ազգային հավաքականին:
«Հավաքականում կորուստները բավական շատ են: Տիգրան Բարսեղյանը որակազրկված է, Լուկաս Սելարայանը որոշել է հանդես չգալ հավաքականում, Վահան Բիչախչյանն էլ վնասված է ստացել: Ցավոք սրտի, Արթուր Միրանյանի հայրն էլ առողջական խնդիրներ ունի եւ նա նույնպես չի միանա հավաքականին»,- ավելի վաղ ասել է Մելիքյանը:
Հունգարիայի դեմ հանդիպումը Երեւանում կայանալու է նոյեմբերի 13-ին, իսկ Պորտուգալիայի դեմ՝ մրցակցի հարկի տակ 3 օր անց:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: