«Ալաշկերտ»-ն անակնկալ պարտություն է կրել «Գանձասար»-ից

Երեկ երեկոյան կայացած երկու դիմակայությամբ ավարտվել է Հայաստանի ֆուտբոլի առաջնության 12-րդ տուրը։

Անակնկալ հաշիվ է գրանցվել Երեւանում, որտեղ «Գանձասար»-ը Լեւոն Պետրոսյանի գոլի շնորհիվ 1։0 հաշվով հաղթել է առաջատարներից մեկին՝ «Ալաշկերտ»-ին։ Այժմ «Ալաշկերտ»-ը 25 միավորով 2-րդն է ու 2 միավոր հետ է մնում առաջատար դարձած «Արարատ-Արմեննիա»-ից։ «Գանձասար»-ը 9 միավորով 8-րդն է։

«Ուրարտու»-ն հյուրընկալվելիս հաղթանակ է տոնել «Արարատ»-ի նկատմամբ։ Կրկին գրանցվել է նվազագույն հաշիվ, իսկ աչքի է ընկել Անտոն Բրատկովը։ Առաջնության լավագույն եռյակը եզրափակում է 24 միավոր ունեցող «Ուրարտու»-ն։