«Շիրակ»-ը եւ «Ուրարտու»-ն Հայաստանի գավաթի քառորդ փուլում են

Կայացել է Հայաստանի ֆուտբոլի գավաթի 1/8 եզրափակչի երկու դիմակայություն։

«Շիրակ»-ը հյուրընկալվելիս  4 անպատասխան գնդակ է ուղարկել «Արարատի Արաքս»-ի դարպասը: Գոլերի հեղինակ են դարձել Ռաֆիկ Միսակյանը, Ռուդիկ Մկրտչյանը, Վարդան Թովմասյանը եւ Գրիգոր Ղումաշյանը:

Նույնպիսի հաշիվ է գրանցվել նաեւ «Ուրարտու»-«Վան» խաղում։ Տանտերերը 4։0 հաշվով ջախջախել են «Վան»-ին։ Աչքի են ընկել Էդիկ Վարդանյանը եւ Օլեգ Պոլյակովը, իսկ Կարեն Մելքոնյանը դարձել է դուբլի հեղինակ։

«Շիրակ»-ը եւ «Ուրարտու»-ն ապահովել են իրենց մասնակցությունը Հայաստանի գավաթի քառորդ եզրափակչում։
 
Այսօր կկայանան 1/8 փուլի «Անդրանիկ»-ԲԿՄԱ եւ «Փյունիկ»-«Գանձասար» դիմակայությունները։