Հայաստանի ընտրանին Բուդապեշտ մեկնելուց առաջ վերջին մարզումն է անցկացրել Երեւանում

Հայաստանի ֆուտբոլի ազգային հավաքականն Երեւանում վերջին մարզումն է անցկացրել Հունգարիա մեկնելուց առաջ:

Եղիշե Մելիքյանի թիմը հոկտեմբերի 11-ին Աշխարհի առաջնության ընտրական մրցաշարում 3-րդ հանդիպումն է անցկացնելու Բուդապեշտում: Այս փուլում հայ ֆուտբոլիստները ոչ միայն առաջին արտագնա, այլ նաեւ Հունգարիայի հետ առաջին դիմակայությունն են ունենալու:

Մեր ընտրանին Երեւանում մեկնարկել է Պորտուգալիայից 0:5 հաշվով կրած պարտությամբ, ապա 2:1 հաշվով հաղթել Իռլանդիային, որի հետ պատասխան մրցավեճը մրցակցի հարկի տակ տեղի է ունենալու հոկտեմբերի 14-ին:

F խմբի առաջատարը 6 միավորով Պորտուգալիան է, Հայաստանն ունի 3, իսկ Հունգարիան ու Իռլանդիան՝ 1-ական միավոր: