Մեկնարկել է Հունգարիա-Հայաստան տոմսերի վաճառքը

Հայաստանի ֆուտբոլի ազգային հավաքականը հոկտեմբերի 11-ին 2026 թվականի Աշխարհի առաջնության որակավորման փուլի 3-րդ խաղում հյուրընկալվելու է Հունգարիային:

Հանդիպումը կայանալու է Բուդապեշտի «Պուշկաշ արենա» մարզադաշտում։
 
Հունգարիայի ֆուտբոլի ֆեդերացիայի պահանջով՝ հայ երկրպագուների համար նախատեսված սեկտորի տոմսերի վաճառքը կիրականացնի Հայաստանի ֆուտբոլի ֆեդերացիան:
 
Այն երկրպագուները, ովքեր ցանկանում են ներկա գտնվել հանդիպմանը, պետք է իրենց տվյալները լրացնեն այստեղ: Հայտերը ստանալուց հետո ՀՖՖ-ն յուրաքանչյուրին կտեղեկացնի տոմսերի վաճառքի մանրամասների վերաբերյալ: Հայտերի ընդունման  վերջնաժամկետը սեպտեմբերի 23-ն է: Տոմսերն արժեն 18-30 եվրո, հայտնում է ՀՖՖ-ն: 

Հայաստանի հավաքականն ընտրական մրցաշարի մեկնարկում զիջել է Պորտուգալիային, ապա հաղթել Իռլանդիային: Թիմը 3 միավորով F խմբում 2-րդն է, առաջատար Պորտուգալիան ունի 6, իսկ Իռլանդիան եւ Հունգարիան՝ 1-ական միավոր: