Հայաստանի հավաքականի մարզումը Իռլանդիայի դեմ խաղից առաջ

Սեպտեմբերի 9-ին Հայաստանի ազգային հավաքականը ԱԱ-2026-ի ընտրական մրցաշարում երկրորդ անընդմեջ հանդիպումն է անցկացնելու սեփական հարկի տակ։

Մրցակիցը լինելու է Իռլանդիայի ընտրանին, որը F խմբի առաջին խաղում 2:2 հաշվով է ավարտել Հունգարիայի դեմ հանդիպումը։ Իսկ Հայաստանը 0:5 հաշվով զիջել է Պորտուգալիային։

Քանի որ Վազգեն Սարգսյանի անվան հանրապետական ստադիոնի խոտածածկը վատ վիճակում է գտնվում, երկու թիմերի խաղացողները նորից իրենց մարզումներն անցկացրել են Ավանի ֆուտբոլի ակադեմիայում։ 

Նախախաղային մամուլի ասուլիսի ժամանակ Հայաստանի հավաքականի ընտրանու գլխավոր մարզիչ Եղիշե Մելիքյանը իրատեսական է համարել Իռլանդիային հաղթելը։ Իսկ Նաիր Տիկնիզյանը հույս ունի, որ կկարողանան ուրախացնել երկրպագուներին։