«Գրանդ Սվիս»-ում հայ շախմատիստներից հաղթել է միայն Հայկ Մարտիրոսյանը

Ռոբերտ Հովհաննիսյանը եւ Շանթ Սարգսյանը «Գրանդ Սվիս» մրցաշարի 5-րդ տուրից հետո 3-ական միավոր են վաստակել։

Հովհաննիսյանը ոչ-ոքի է խաղացել Յորդեն Վան Ֆորեստի հետ, իսկ Սարգսյանը՝ Լեւոն Արոնյանի։ Մրցակցի հետ միավորները կիսել են նաեւ Գաբրիել Սարգսյանը եւ Արամ Հակոբյանը։ Հայերից միակ հաղթանակը տարել է Հայկ Մարտիրոսյանը, որն ուժեղ է եղել Դենիս Վագներից։ Տղամարդկանց մրցաշարի առաջատարը 4,5 միավորով իրանցի Պարհամ Մաղսուդլուն է։ 

Կանանց մրցաշարում Էլինա Դանիելյանը  2,5 միավոր ունի, իսկ Լիլիթ Մկրտչյանը՝ 1,5։ 4 մասնակիցներ 4-ական միավորով կիսում են առաջատարի դիրքերը։