Հայաստանի լրագրողների ֆուտբոլի հավաքականը սեպտեմբերի 11-ից 14-ը Լիտվայի Դրուսկինինկայ քաղաքում կմասնակցի Եվրոպայի լրագրողների ֆուտբոլի առաջնությանը։
Նման ձեւաչափով առաջնությունն անցկացվելու է առաջին անգամ, մինչդեռ ֆուտբոլային մրցաշարը թվով 20-րդն է։ Առաջնությանը կմասնակցեն ռեկորդային թվով՝ 14 լրագրողական թիմեր, այդ թվում՝ Հայաստանից, Լիտվայից, Բելառուսից, Լատվիայից, Վրաստանից, Լեհաստանից, Հունգարիայից, Չեխիայից, Հունաստանից, Սերբիայից եւ այլն։ Առաջնության առաջին օրը կկայանան խմբային փուլի խաղերը, իսկ երկրորդ օրն առաջատար 8 թիմերը կմրցեն փլեյ-օֆֆ համակարգով։
Ֆուտբոլային մրցաշարի կազմակերպիչները Լիտվայի ժուռնալիստների միությունն է, Լիտվայի մարզական լրագրողների ասոցիացիան եւ Լիտվայի ֆուտբոլի ֆեդերացիան։ Միջազգային մրցաշարին Հայաստանի լրագրողների ֆուտբոլի հավաքականի մասնակցության գլխավոր հովանավոր «Yo Health»-ն է։
Հայկական թիմի ելույթներին հնարավոր կլինի հետեւել հավաքականի պաշտոնական ֆեյսբուքյան էջի միջոցով՝ https://www.facebook.com/armmediateam։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: