Այսօր Հայաստանի ու Պորտուգալիայի հավաքականները ֆուտբոլի Ակադեմիայում վերջին մարզումն են անցկացրել 2026 թվականի Աշխարհի առաջնության որակավորման փուլի մեկնարկից առաջ։
Քանի որ հանրապետական ստադիոնի խոտածածկը Ջենիֆեր Լոպեսի համերգից հետո այդքան էլ լավ վիճակում չի գտնվում, թիմերն այնտեղ մարզվել չեն կարողացել ու ստիպված են եղել համաձայնվել ակադեմիայի տարբերակին։
Առաջինը խաղադաշտ են դուրս եկել պորտուգալացիները։ Հավաքականի ավագ Քրիշտիանու Ռոնալդուի պատճառով ակադեմիայի շրջակայքում իրարանցում էր, հիմնականում բազմաթիվ պատանի երկրպագուներ ցանկանում էին նրան տեսնել, սակայն անվտանգության աշխատակիցներն ամեն կերպ խոչընդոտում էին։
Մեկ ժամ անց կողքի խաղադաշտում սկսվեց Հայաստանի ընտրանու մարզումը։ Թիմը հավաքվեց Եղիշե Մելիքյանի շուրջը եւ նրա հրահանգները լսելուց հետո անցավ աշխատանքի։ Մեր ընտրանու մարզման ընթացքում ամեն ինչ ավելի հանգիստ էր, չնայած որ պատանիներից մեկին հաջողվեց հասնել ֆուտբոլիստներին, սակայն նրան բռնեցին եւ դուրս բերեցին դաշտից։
Mediamax Sport-ը ներկա է եղել երկու մարզումներին ու ներկայացնում է Արթուր Ստաբուլնիեքսի ֆոտոշարքը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: