«Ինտեր»-ը նոր մրցաշրջանին կպատրաստվի «Մոնակո»-ի հետ ընկերական խաղով

Մինչ «Ինտեր»-ի ֆուտբոլիստները վերջին հանգստյան օրերն են անցկացնում, ակումբի պաշտոնական կայքը ներկայացրել է նոր մրցաշրջանի նախապատրաստական ծրագիրը:

Օգոստոսի 8-ին թիմը «Լուի II» ստադիոնում ընկերական հանդիպում է անցկացնելու «Մոնակո»-ի հետ, ապա 4 օր անց մրցելու է «Մոնցա»-ի հետ: Վերջին ընկերական հանդիպումը լինելու է օգոստոսի 16-ին «Օլիմպիակոս»-ի դեմ:

Արդեն օգոստոսի 25-ին «Ինտեր»-ն առաջին հանդիպումն է անցկացնելու Իտալիայի առաջնությունում, մրցակիցը լինելու է «Տորինո»-ն:

Նախորդ մրցաշրջանում «Ինտեր»-ն Ա Սերիայում զբաղեցրել է 2-րդ տեղն ու Չեմպիոնների Լիգայում հասել մինչեւ եզրափակիչ, որտեղ 0:5 հաշվով զիջել է ՊՍԺ-ին: Մրցաշրջանի ավարտից հետո Սիմոնե Ինձագին հեռացել է թիմից ու այն գլխավորել է Կրիստիան Կիվուն: Նրա գլխավորությամբ թիմը մասնակցել է Աշխարհի ակումբային առաջնությանը: