Երեկոյան կորոշվի Ա Սերիայի չեմպիոնը. «Ինտեր»-ը կհանդիպի «Կոմո»-ի հետ

Այսօր երեկոյան «Ինտեր»-ը վերջին հանդիպումն է անցկացնելու Իտալիայի առաջնության այս խաղարկությունում:

Սիմոնե Ինձագիի սաները 22:45-ին հյուրընկալվելու են «Կոմո»-ին: Այս հանդիպումը նախորդ տուրում ստացած կարմիր քարտի պատճառով թիմի գլխավոր մարզիչը բաց է թողնելու:

Թիմերը միմյանց դեմ անցկացրել են 27 հանդիպում, 18 հաղթանակով առաջ է միլանյան ակումբը: 6 անգամ հաղթել է մրցակիցը, եւս 3 հանդիպում էլ ոչ-ոքի է ավարտվել: Վերջին շրջանում «Ինտեր»-ը կայացած բոլոր 8 խաղերում էլ ուժեղ է եղել «Կոմո»-ից:

Միլանյան թիմը մրցաշարային աղյուսակում 78 միավորով 2-րդն է, առաջատար «Նապոլի»-ն 1 միավոր ավել ունի եւ հանդիպելու է «Կալյարի»-ի հետ: Հենց վերջին տուրում էլ որոշվելու է չեմպիոնի անունը:

2022-2023 մրցաշրջանում Իտալիայի չեմպիոն է դարձել «Նապոլի»-ն, իսկ 2023-2024-ում՝ «Ինտեր»-ը: