Այսօր Չեմպիոնների Լիգայի կիսաեզրափակչում «Բարսելոնա»-ն ընդունելու է «Ինտեր»-ին:
Նախախաղային մամուլի ասուլիսի ժամանակ Սիմոնե Ինձագին նշել է, որ իր ֆուտբոլիստները երկրպագուների աջակցությամբ վերջին տարիներին գերազանցել են բոլոր սպասելիքները:
«Մենք Չեմպիոնների Լիգայի կիսաեզրափակչում ենք ու դա արդեն իսկ մեծ ձեռքբերում է, քանի որ շատերն ասում էին, որ այս մրցաշրջանում նույնիսկ Իտալիայի 4 լավագույնների թվում չենք լինելու: Բայց հիմա ավելին ենք ուզում եւ հույս ունեմ, որ կհաղթենք սպասվող դիմակայությունում»,- ասել է Ինձագին:
Նա նաեւ ընդգծել է, որ այս շրջանն ամենաբարդն է իր կարիեայում, վերջին շաբաթն ամենավատերից մեկն է եղել իր թիմի համար:
Ինձագին նաեւ նշել է, որ Հանսի Ֆլիկը մեծագույն մարզիչ է, որը մեծ ուժեր է ներդրել հարձակվողական թիմ ստեղծելու համար.
«ՉԼ-ի կիսաեզրափակիչ հասած 4 թիմերը արժանիորեն են հանդես գալիս այս փուլում: «Բարսելոնա»-ն մեր դեմ մրցելու է Գավաթի եզրափակչում տարած հաղթանակից հետո, մեզ մոտ այդքան էլ հաջող շրջան չէ, բայց կաշխատենք հիանալի հանդիպում անցկացնել»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: