«Ինտեր»-ը ներկայացրել է իր տպավորիչ վիճակագրությունը «Բավարիա»-ի հետ խաղերում

«Ինտեր»-ը պատրաստ է «Սան Սիրո»-ում Չեմպիոնների Լիգայի քառորդ եզրափակչում ընդունել «Բավարիա»-ին, որին առաջին խաղում հաղթել է 2:1 հաշվով:

Հանդիպումը կայանալու է վաղը Երեւանի ժամանակով ժամը 23:00-ին:

Ինչպես հայտնում է միլանյան ակումբի պաշտոնական կայքը, այդ դիմակայությունը 11-րդն է լինելու թիմերի համար: Վերջին 6 խաղերում ակումբները միմյանց հետ ոչ-ոքիներ են գրանցել, եւ ամեն մեկը 3-ական հաղթանակ է տարել: Այնպես որ այս հանդիպումը ոչ միայն որոշելու է կիսաեզրափակչի ուղեգիր նվաճողին, այլ նաեւ իտալա-գերմանական պայքարի հաղթողին:

Հետաքրքիր է, որ 6 հաղթանակներից միայն մեկի դեպքում է ուժեղ եղել հյուրընակալող թիմը, եւ դա «Բավարիա»-ն էր, որը 2022-ի նոյեմբերին առավելության է հասել 2:0 հաշվով:

Իսկ ահա «Ինտեր»-ը հաղթել է փլել-օֆֆի երկու հանդիպումների դեպքում էլ: Ամենահիշարժանը 2010-ին Մադրիդում կայացած եզրափակչում էր եւ 2010-2011 մրցաշրջանում 1/8 եզրափակչում, որի հաղթողը որոշվեց մրցակցի հարկի տակ խփած գոլի շնորհիվ: Հանդիպումն ավարտվել էր 3:3 հաշվով:

Բայց դա էլ դեռ վերջը չէ, միայն Մադրիդի «Ռեալ»-ն է փլեյ-օֆֆում ավելի շատ հաղթել  «Բավարիա»-ին՝ 7 անգամ: «Ինտեր»-ը 5 ակումբից բաղկացած ոչ մեծ խմբի մեջ է («Բարսելոնա», «Չելսի» եւ «Միլան») ներառված, որոնք գերմանական ակումբին մեկ անգամից ավելի են դուրս թողել պայքարից: