Այսօր Իտալիայի Գավաթի կիսաեզրափակչում «Ինտեր»-ի եւ «Միլան»-ի միջեւ դերբի է սպասվում:
Դիմակայությունից առաջ Սիմոնե Ինձագին նշել է, որ հանդիպումն իրենց համար կարեւոր է ու ձգտելու են բարձրակարգ խաղ ցուցադրել մի մրցակցի դեմ, որն այս մրցաշրջանում իրենց եւ մյուս թիմերի համար բազմաթիվ դժվարություններ է ստեղծել:
««Միլան»-ի հետ խաղերում որոշակի խնդիրներ ենք ունեցել, դրա համար պետք է սպասվող 4-րդ դերբիում առավել զգույշ գործենք որոշիչ պահերում: Հենց ամենասկզբից էլ մեր առջեւ խնդիր էինք դրել ապրիլին մասնակցել բոլոր մրցաշարերին, ինչն էլ անում ենք: Ֆիզիկապես ու հոգեբանորեն դա այնքան էլ հեշտ չէ, բայց ինքներս ենք դրան ձգտել: Յուրաքանչյուր հանդիպում էլ նույն կերպ կարեւոր է»,- ասել է մարզիչը:
Ինձագին ընդգծել է, որ «Միլան»-ն ուժեղ է ու բազմաթիվ լավ որակներ ունի, բայց ցանկանում են հաղթել երկու հանդիպումների արդյունքում եւ դուրս գալ եզրափակիչ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: