Իտալիայի Գավաթի կիսաեզրափակիչն «Ինտեր»-ի եւ «Միլան»-ի միջեւ ավարտվել է 1:1 հաշվով:
Առաջինը հաշվի մեջ առաջ է անցել «Միլան»-ը, որի կազմում աչքի է ընկել Թեմի Աբրահամը: «Ինտեր»-ից պատասխան գնդակը խփել է Հաքան Չալհանօղլուն:
Խաղից հետո Սիմոնե Ինձագին խոստովանել է, որ միլանյան դերբին բավական լարված է ստացվել:
«Դեռ առաջին խաղակեսում կարող էինք առաջ անցնել հաշվի մեջ: Մենք ավելի լավ էինք գործում ուժեղ մրցակցի դեմ մրցավեճում ու վտանգավոր պահեր ստեղծեցինք: Արդեն ապրիլն է ու այս պահի դրությամբ բավական առաջընթաց ունենք: Միայն ցանկանում եմ, որ վնասվածքներ չունենանք ու բոլոր ֆուտբոլիստներն էլ թիմի տրամադրության տակ լինեն: Վստահությամբ ենք նայում ապագային, հպարտ եմ, որ մարզում եմ այս տղաներին»,- նշել է մարզիչը:
Թիմերի պատասխան հանդիպումը կայանալու է ապրիլի 23-ին: Իսկ մինչ այդ «Ինտեր»-ն ապրիլի 5-ին Ա Սերիայում խաղալու է «Պարմա»-ի, իսկ 8-ին՝ Չեմպիոնների Լիգայում «Բավարիա»-ի հետ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: