Հայաստանի ֆուտբոլի ֆեդերացիայի նախագահ Արմեն Մելիքբեկյանը քառամյա ժամկետով ընտրվել է ՈւԵՖԱ-ի գործադիր կոմիտեի անդամի պաշտոնում:
Այսօր Բելգրադում ընթանում է ՈւԵՖԱ-ի 49-րդ կոնգրեսը, որի ընթացքում կայացել է նաեւ գործադիր կոմիտեի անդամների ընտրությունը։ ՈւԵՖԱ-ի անդամ 55 ասոցիացիաների ներկայացուցիչներն ընտրել են նոր կազմը, եւ Հայաստանը եւս ներկայացուցիչ կունենա, հայտնում է ՀՖՖ-ն։
Ավելի վաղ Մելիքբեկյանը հայտարարություն էր տարածել ու նշել, որ իր առաջադրումն ինքնանպատակ չէ․ «Նախընտրական արշավի ընթացքում ես ՈւԵՖԱ-ի անդամ ֆեդերացիաներին ներկայացրել եմ եվրոպական ֆուտբոլի զարգացման իմ տեսլականը, այն է՝ պահպանել ու զարգացնել եվրոպական սպորտի մոդելը ֆուտբոլում եւ դա կարեւոր եմ համարում հատկապես միջին ու փոքր երկրների, այդ թվում՝ Հայաստանի համար»։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: