«Փյունիկ»-ը եւ «Արարատ-Արմենիա»-ն այսօր կվիճարկեն Հայաստանի Սուպերգավաթը

Այսօր Հանրապետական ստադիոնում կայանալու է Հակոբ Տոնոյանի անվան Սուպերգավաթի դիմակայությունը։

Միմյանց դեմ մրցելու են «Փյունիկ»-ը եւ «Արարատ-Արմենիա»-ն, իսկ խաղը մեկնարկելու է 19։00-ին։ Երկրպագուների համար մուտքն ազատ է։

ՀՖՖ-ն հայտնում է, որ գլխավոր մրցավարը լինելու է Յուրա Մահտեսյանը, որին կօգնեն Խաչատուր Հովհաննիսյանը եւ Խաչիկ Զախարյանը։

Սուպերգավաթին ամենաշատը տիրացել է «Փյունիկ»-ը՝ 10 անգամ։ Ֆուտբոլիստներից ամենատիտղոսակիրն Արտակ Եդիգարյանն է, որը Հայաստանի սուպերգավաթակիր է ճանաչվել 5 անգամ:

Իսկ ահա Վարդան Մինասյանը, որն այսօր գլխավորում է «Արարատ-Արմենիա»-ն, «Փյունիկ»-ի հետ 4 անգամ դարձել է Սուպերգավաթի հաղթող (2005, 2008, 2010 եւ 2011)։