ՉԼ-ի անցումային խաղերը սկսված են․ «Ռեալ»-ի փայլուն հաղթանակը

Երեկվանից մեկնարկել են Չեմպիոնների լիգայի անցումային հանդիպումները։

Օրվա գլխավոր դիմակայությունը տեղի է ունեցել Մանչեսթերում, որտեղ «Սիթի»-ն ընդունել է «Ռեալ»-ին։

Մինչեւ 90+2-րդ րոպեն հաշիվը հավասար է եղել՝ 2։2։ Տանտերերի կազմում դուբլի հեղինակ է դարձել Էրլինգ Հոլանդը, իսկ մադրիդցիներից աչքի են ընկել Կիլիան Մբապեն ու Բրահիմ Դիասը։ Խաղավարտին Կառլո Անչելոտիի թիմի համար հաղթանակը կորզել է Ջուդ Բելիգհեմը։

Արքայական ակումբը դարձել է ՉԼ-ի առաջին թիմը, որը գրանցել է 300 հաղթանակ։

«Ես հանգիստ եմ եւ բավարարված։ Մենք լավ հանդիպում անցկացրինք՝ հրաշալի պաշտպանվեցինք, հաջող գործեցինք հարձակման գծում՝ ստեղծելով բազմաթիվ պահեր։ Վաստակեցինք այս հաղթականը»,-խաղից հետո ասել է Անչելոտին։

Երեկվա դիմակայություններում ՊՍԺ-ն հաղթել է «Բրես»-ին (3։0), «Բորուսիա»-ն՝ «Սպորտինգ»-ին (3։0) եւ «Յուվենթուս»-ը՝ ՊՍՎ-ին (2։1)։