Տիկնիզյանն ու Սեւիկյանը «Լոկոմոտիվ»-ի հետ հավաքի են մեկնել Աբու Դաբի

Այսօրվանից Մոսկվայի «Լոկոմոտիվ»-ն ուսումնամարզական հավաք է անցկացնելու Աբու Դաբիում:

Թիմի կազմում հավաքին 29 ֆուտբոլիստներ են մասնակցելու, որոնց թվում են Հայաստանի հավաքականի ֆուտբոլիստներ Նաիր Տիկնիզյանն ու Էդգար Սեւիկյանը:

Հունվարի 12-ին «Լոկոմոտիվ»-ի ֆուտբոլիստները հավաքվել են եւ բժշկական հետազոտություն անցնել: Իսկ այսօր նրանք մեկնել են Աբու Դաբի, որտեղ 2 ընկերական հանդիպում են ունենալու հունվարի 20-ին ու 24-ին: Մրցակիցներն են լինելու չինական «Շանհայ Պորտ»-ն ու հարավկորեական «Ուլսան Հյոնդե»-ն:

Ռուսաստանի առաջնության առաջին հատվածից հետո առաջատարները 39-ական միավորով «Կրասնոդար»-ն ու «Զենիթ»-ը, իսկ «Լոկոմոտիվ»-ը 37 միավորով 2-րդն է: