Ազգային հավաքականների դասակարգման հրապարակումից հետո հաստատվել են Աշխարհի 2026 թվականի առաջնության վիճակահանության եվրոպական ընտրական փուլի զամբյուղներն ու ընթացակարգերը։
Թիմերը բաժանվել են 1-5-րդ զամբյուղներում։ Հայաստանի ընտրանին, որը ՖԻՖԱ-ի աղյուսակում 100-րդն է, տեղ է գտել 4-րդ զամբյուղում։ Այդ նույն զամբյուղում են նաեւ Բուլղարիայի, Լյուքսեմբուրգի, Բելառուսի, Կոսովոյի, Ղազախստանի, Ադրբեջանի, Էստոնիայի, Կիպրոսի, Ֆարերյան կղզիների, Լատվիայի եւ Լիտվայի ընտրանիները։
1-ին զամբյուղում Ազգերի լիգայի քառորդ եզրափակիչ անցած մասնակիցներն են՝ Խորվաթիա, Դանիա, Ֆրանսիա, Գերմանիա, Իտալիա, Նիդեռլանդներ, Պորտուգալիա եւ Իսպանիա։ Այդտեղ ընդգրկվել են նաեւ ՈւԵՖԱ-ի լավագույն վարկանիշ ունեցող երկրները՝ Անգլիան, Բելգիան, Շվեյցարիան եւ Ավստրիան։
Թիմերը բաժանվելու են A խմբից մինչեւ L խումբ: ԱԱ-ի եվրոպական գոտու վիճակահանությունը կայանալու է դեկտեմբերի 13-ին, Ցյուրիխում։ Ընտրական փուլը մեկնարկելու է 2025 թվականի մարտին եւ ավարտվի նոյեմբերին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: