Գերմանիայում շարունակվող ֆուտբոլի Եվրոպայի առաջնության 1/8 եզրափակչում առաջին 11-մետրանոց հարվածաշարն է գրանցվել:
Հաղթողին չեն պարզել Սլովակիայի եւ Պորտուգալիայի հավաքականները, հիմնական եւ ավելացված ժամանակներն ավարտվել են գոլազուրկ ոչ-ոքիով: Թեեւ 2-րդ ավելացված խաղակեսում Սլովակիայի դարպասին 11-մետրանոց է նշանակվել, սակայն Քրիշտիանու Ռոնալդուն այն չի իրացրել, ինչը նրան չափազանց տխրեցրել է: Խաղընկերները մխիթարել են նրան ու արդեն 11-մետրանոց հարվածաշարում պորտուգալացին դիպուկ է եղել:
![](https://mediamax.am/datas/znews/middle_/2024/07/1719899441_5159769.jpg)
Լուսանկարը` UEFA
Պորտուգալիայի ընտրանին ուժեղ է եղել 3:0 հաշվով, սլովակների բոլոր հարվածները հետ է մղել Դիոգու Կոշտան, որն էլ հանդիպման լավագույն խաղացողն է: Նա առաջին դարպասապահն է, որը Եվրոպայի առաջնությունների ժամանակ մեկ խաղում երեք 11-մետրանոց է հետ մղել:
Պորտուգալիան քառորդ եզրափակչում է ու հուլիսի 5-ին հանդիպելու է Ֆրանսիային: Ֆրանսիացիները նվազագույն հաշվով ուժեղ են եղել Բելգիայից: Հանդիպման միակ գոլը Ռանդալ Կոլո Մուանիի հարվածից հետո սեփական դարպասն է ուղարկել Յան Վերտոնգենը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: