Դանի Ալվեշը մեղավոր է ճանաչվել ու դատապարտվել ազատազրկման

Բարսելոնայի նահանգային դատարանն այսօր հրապարակել է Բրազլիայի հավաքականի ու «Բարսելոնա»-ի նախկին պաշտպան Դանի Ալվեշի դատավճիռը։

Նա մեղավոր է ճանաչվել 2022 թվականի դեկտեմբերի 30-ի գիշերը «Սաթոն» գիշերային ակումբում տեղի ունեցած բռնաբարության մեջ։ Դատարանը նրան դատապարտել է ազատազրկման 4 տարի 6 ամիս ժամկետով։

Որոշումը կայացվել է դատի ավարտից 10 օր անց եւ համարվում է վերջնական, հայտնում է Mundo Deportivo-ն։ Բացի այդ Ալվեշը պարտավորվել է տուժողին վճարել 150 հազար եվրո։

Ալվեշը ձերբակալվել էր 2023-ի հունվարին եւ այն ժամանակ հերքել տարածված լուրերը։