Հոկտեմբերին Հայաստանն ընկերական հանդիպում կանցկացնի Հյուսիսային Մակեդոնիայի հետ

Հոկտեմբերի 17-ին Հայաստանի ֆուտբոլի ազգային հավաքականն ընկերական հանդիպում կանցկացնի Հյուսիսային Մակեդոնիայի ընտրանու հետ:

ՀՖՖ-ն հայտնում է, որ խաղը կկայանա Ստրումիցա քաղաքի «Մլադոստ» մարզադաշտում:

Մինչ այդ ԵՎՐՈ-2024-ի ընտրական խմբում Հայաստանի ընտրանին հոկտեմբերի 12-ին հյուրընկալվելու է Լատվիային:

D խմբում Հայաստանը եւ Ուելսը վաստակել են 7-ական միավոր, իսկ առաջատարները Խորվաթիան ու Թուրքիան են, որոնք ունեն 10-ական միավոր: Հոկտեմբերի 12-ին նրանք միմյանց դեմ են մրցելու: