Հայաստանի ֆուտզալի հավաքականն այսօր ԵԱ-ում կմեկնարկի Ուկրաինայի դեմ խաղով

Այսօր Հայաստանի ֆուտզալի հավաքականը մեկնարկելու է Եվրոպայի առաջնության եզրափակիչ փուլում:

Լիտվայում կայանալիք մրցաշարում հայ մարզիկները Երեւանի ժամանակով ժամը 19:00-ին պայքարելու են Ուկրաինայի ընտրանու հետ: 

ԵԱ-ում Հայաստանի ընտրանու հայտացուցակում ընդգրկված են Ալբերտ Աղաջանովը, Սուրեն Ղազարյանը, Էմին Ղարաբեկյանցը, Վլադիմիր Սանոսյանը, Արթուր Մելքոնյանը, Դենիս Նեւեդրովը, Նիկիտա Խռոմիխը, Գարեգին Մաշումյանը, Համլետ Մանուկյանը, Միհրան Դերմենջյանը, Սարգիս Մարգարյանը, Արսենի Պետրոսյանը, Աղասի Եղիազարյանը, Միքայել Ղանդիլյանն ու Արսեն Պետրոսովը, հայտնում է ՀՖՖ-ն:

Հունվարի 25-ին Ռուբեն Նազարեթյանի թիմի մրցակիցը կլինի Չեխիան (16:00), իսկ հունվարի 28-ին` Լիտվան (22:30)։