ԱԱ. Անգլիա-ԱՄՆ եւ Նիդերլանդներ-Էկվադոր ոչ-ոքիները

Կատարում ընթացող ֆուտբոլի Աշխարհի առաջնությունում թիմերն երեկ անցկացրել են իրենց խմբերի 2-րդ հանդիպումները:

B խմբի առաջին խաղում Իրանը 2:0 հաշվով կամային հաղթանակ է տարել Ուելսի նկատմամբ ու 3 միավոր վաստակել: Նրա մրցակիցները՝ ԱՄՆ-ն ու Անգլիան երեկոյան գոլազուրկ ոչ-ոքի են գրանցել: Խմբի առաջատարը 4 միավոր ունեցող Անգլիան է, Իրանը  3-ով  2-րդ տեղում է, նրա համար որոշիչ է լինելու ԱՄՆ-ի հետ կայանալիք վերջին հանդիպումը:

Լուսանկարը` FIFA

A խմբում պայքարը լքել է տանտերերի՝ Կատարի հավաքականը, որը 0:3 հաշվով պարտություն է կրել Սենեգալից: 

Լուսանկարը` FIFA

Էկվադորն էլ 1:1 հաշվով է ավարտել հանդիպումը Նիդերլանդների հետ: Գոդի Գակպոյի գոլին պատասխանել են էներ Վալենսիայի գնդակով: Նա դարձել է առաջին հարավամերիկացի ֆուտբոլիստը, որը 6 գոլ է խփել առաջնություններում: 

Լուսանկարը` FIFA

Էկվադորն ու Նիդերլանդները 4-ական միավոր ունեն, իսկ Սենեգալը՝ 3: Էկվադորն ու Սենեգալը վերջին խաղում պետք է թեժ պայքար կծավալեն փլեյ-օֆֆ դուրս գալու համար, Նիդերլանդների շանսերն ավելի մեծ են, քանի որ հանդիպելու է բավական թույլ Կատարին:

Այսօր կայանալու են Թունիս-Ավստրալիա (ժամը՝ 14:00), Լեհաստան-Սաուդյան Արաբիա (17:00), Ֆրանսիա-Դանիա (20:00) եւ Արգենտինա-Մեքսիկա (23:00) հանդիպումները: