Պորտուգալիայի հավաքականի նախկին ֆուտբոլիստ Լուիշ Ֆիգուն աշխատանքային այցով գտնվում է Երեւանում՝ նա դարձել է Դիջիթեյն ընկերության դեսպանը:
Ֆուտբոլիստը պատասխանել է լրագրողների հարցերին ու անդրադարձել նաեւ նոյեմբերին Քաթարում մեկնարկող Աշխարհի առաջնությանը՝ խոսելով հավանական ֆավորիտների մասին:
«Առաջնությունում հաղթելու բավական լավ շանսեր ունեն Բրազիլիան, Արգենտինան, Իսպանիան ու Գերմանիան: Պորտուգալիայի ու Անգլիայի չեմպիոն դառնալու հավանականությունը մի քիչ ավելի ցածր եմ գնահատում: Ամեն դեպքում վերջին երկուսի համար շատ ավելի դժվար կլինի տիտղոսի հավակնել»,- նշել է նա:
Պորտուգալացին անդրադարձել է նաեւ Լեո Մեսսիին ու Քրիշտիանու Ռոնալդուին, որոնք երկար տարիներ «Բարսելոնա»-ում եւ «Ռեալ»-ում խաղալուց եւ անհավանական նվաճումների հասնելուց հետո տեղափոխվել են ՊՍԺ եւ «Մանչեսթեր Յունայթեդ»:
«Չեմ կարծում, որ նրանց ժամանակ է պետք իրենց ակումբներում հարմարվելու համար: Բայց նրանց խաղամակարդակի փոփոխությունը կարող է կապված լինել որոշակի տարիքի հետ: Չես կարող 35 տարեկանում խաղալ նույն կերպ, ինչպես ստացվում էր օրինակ 28-ում: Եվ այդ ամենը նորմալ է սպորտի համար, այդպիսին է կյանքը, մարդու մարմինը փոփոխության է ենթարկվում ժամանակի ընթացքում»,-շեշտել է Ֆիգուն:
Այդ երկու ֆուտբոլիստները, նրա կարծիքով, վերջին 10-12 տարիների ընթացքում լավագույնն են եղել Աշխարհում, հանդես են եկել ուժեղագույն թիմերում ու մեծ նվաճումների հասել՝ ստիպելով բոլորին վայելել իրենց խաղը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: