Ակինֆեեւ, Մեսսի, Կիելինի, Ռամոս. Ամենահավատարիմ ֆուտբոլիստները

Վիճակագրական Transfermarkt-ը հրապարակել է 10 առաջատար առաջնությունների 30 գործող ֆուտբոլիստների անուններ, ովքեր իրենց ակումբներում ամենաշատ ժամանակն են անցկացրել:

Իգոր Ակինֆեեւ (ԲԿՄԱ)` 17 տարի, 8 ամիս

Նա մեծահասակների ֆուտբոլում է 2003 թվականից, ԲԿՄԱ-ի կազմում անցկացրել է 641 հանդիպում ու հաղթել 20 գավաթ: 34-ամյա դարպասապահը շարունակում է հավատարիմ մնալ իր ակումբին:

Լեո Մեսսի («Բարսելոնա»)`16 տարի, 8 ամիս

Թեեւ այս տարի հայտնի դարձավ, որ արգենտինացին ցանկանում է հեռանալ ակումբից, սակայն նրան դա թույլ չտվեցին: Մեսսին կշարունակի խաղալ «Բարսելոնայում» ու օգնել ակումբին նոր նվաճումների հասնել:

Մարկ Նոուբլ («Վեսթ Հեմ»)՝ 16 տարի, 8 ամիս

Կիսապաշտպանն իր կարիերան սկսել է «Արսենալում», սակայն Արսեն Վենգերին չի հաջողվել բացահայտել նրա տաղանդը: Նա տեղափոխվել է «Վեսթ Հեմ» ու 17 տարեկանից խաղացել այնտեղ: Նոուբլն ակումբի կազմում 500 հանդիպման է մասնակցել:

Սերխիո Ալվարես («Սելտա»)՝ 16 տարի, 2 ամիս

Իսպանացի դարպասապահը երկար է սպասել իր շանսը ստանալու համար ու մեծերի թիմում նորամուտը նշել է միայն 23 տարեկանում: Նա այդ երկար տարիների ընթացքում միայն 200 հանդիպման է մասնակցել «Սելտայի» կազմում:

Օյեր Սանխուրխո («Օսասունա»)՝ 15 տարի, 2 ամիս

2005 թվականից պաշտպանում է «Օսասունայի» գույները, որի հետ շատ փորձությունների միջով է անցել: Այդ տարիների ընթացքում Պամպլոնայի ակումբը 2 անգամ հանդես է եկել Սեգունդայում:

Ժեսսի Մուլեն («Սենտ Էթիեն»)՝ 15 տարի, 2 ամիս

Երկար տարիներ է ակումբում է, սակայն հիմնական դարպասապահ չի համարվում: Նորամուտը նշել է 2010-2011 մրցաշրջանում ու ընդամենը 37 խաղի մասնակցել: Թեեւ հազվադեպ է հայտնվում հիմնական կազմում, սակայն առանձնապես չի անհանգստանում այդ պատճառով:

Ֆրանչեսկո Մանյանելլի («Սասսուոլո»)՝ 15 տարի, 2 ամիս

Փորձառու հենակետային կիսապաշտպանն երկրպագուների մոտ ասոցացվում է ակումբի՝ Ա սերիա դուրս գալու հետ: Մանյանելլին «Սասսուոլոյի» հետ շատ երկար ուղի է անցել՝ 3-րդ Լիգայից մինչեւ Ա սերիա: Նրան շատ են գնահատում իր առաջատար որակների համար:

Ջորջիո Կիելինի («Յուվենթուս»)՝ 15 տարի, 2 ամիս

Իտալիայի հավաքականի պաշտպանն առաջին քայլերը կատարել է «Լիվորնոյում», ապա խաղացել՝ «Ֆիորենտինայում», մեկ մրցաշրջանից հետո արդեն տեղափոխվել է Թուրին: Ակումբում մնալուն նպաստել է այն, որ պայմանավորված խաղերի պատճառով «Յուվենթուսը» ստիպված է եղել հանդես գալ Բ սերիայում: Այդ ժամանակ շատ առաջատարներ հեռացան, ինչը թույլ տվեց երիտասարդ Կիելինիին հաստատվել ակումբում: 36-ամյա պաշտպանի հետ «Յուվենթուսը» 18 տիտղոսի է արժանացել:

Սերխիո Ռամոս («Ռեալ»)՝ 15 տարի

«Ռեալը» ճիշտ ժամանակին է «Սեւիլիայից» ձեռք բերել Ռամոսին՝ նրա համար վճարելով 27 մլն եվրո: Նա միանգամից տեղն ապահովել է հիմնական կազմում ու արագ հասել բարձրակարգ ֆուտբոլիստի մակարդակի: Հիմա Արքայական ակումբի ավագն անցկացրել է 650 հանդիպում ու բազմաթիվ կարեւոր նվաճումների հասել:

Սեմմի Բոսյու («Զյուլտե-Վարեգեմ»)՝ 14 տարի 2 ամիս

Բելգիացին արագ է նորամուտը նշել մեծահասակների ֆուտբոլում: Երկար ժամանակ նա ակումբում 2-րդ դարպասապահն է եղել, սակայն կարողացել է իր շանսը ստանալ: Արդեն 11 տարի է հենց նա է կանգնած ակումբի դարպասում, տիրացել է Բելգիայի Գավաթին ու հանդես եկել եվրագավաթներում: