Պիեր Էմերիկ Օբամեյանգը սիրում է իր գոլերն արտասովոր կերպով նշել, այդպես էր նա անում Գերմանիայիում, շարունակում է նաեւ Անգլիայում:
Մանավանդ, երբ գոլերն այդքան կարեւոր են լինում ու թիմին դուրս են բերում Եվրոպայի Լիգայի քառորդ եզրափակիչ, գոլի նշումն իսկական տոնի է վերածվում:
ԵԼ-ում «Ռենի» հետ խաղում Օբամեյանգը երկու գոլի ու գոլային փոխանցման հեղինակ է դարձել ու Սեւ հովազի դիմակ հագել: Այն 2018 թվականի փետրվարին ներկայացված Մարվել Կոմիքսի առաջին սեւամորթ հերոսն է: Ֆիլմն այս տարի 3 Օսկարի է արժանացել:
«Դիմակ էր պետք, որը կներկայացներ ինձ, ու դա Սեւ հովազն էր: Գաբոնում հավաքականը կոչում են Հովազներ»,- խաղից հետո ասել է հարձակվողը:
Ավելի վաղ «Wakanda Forever» ոճով իրենց գոլերն են նշել Ջեսսի Լինգարդն ու Պոլ Պոգբան:
Օբամեյանգը նախկինում էլ կրել էր կոմիքսների հերոսների դիմակներ: 2014 թվականի Գերմանիայի Սուպերգավաթի ժամանակ «Բավարիայի» դարպասը գրավելուց հետո Սարդ-մարդ էր դարձել:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: