Հայաստանի բասկետբոլի ֆեդերացիայում պատրաստվում են Երեւանում կայանալիք Եվրոպայի մինչեւ 20 տարեկանների Բ դիվիզիոնի առաջնությանը։
Ֆեդերացիայից տեղեկանում ենք, որ այդ մրցաշարում Հայաստանի ընտրանին հանդես է գալու նոր մարզչական կազմով։
Գլխավոր մարզիչ է նշանակվել Փիթ Դոմինգեսը, օգնականները կլինեն Կոնստանտինոս Պապավասիլեուն եւ Սեւակ Քեթենջյանը։
Դոմինգեսն աշխատում է NBA-ի «Միլուոկի Բաքս»-ի մարզչական շտաբում, իսկ Հայաստանի ազգային հավաքականի մարզչական թիմում ընդգրկված է 2022 թվականից։
Հայաստանի երիտասարդական ընտրանու հանդիպումների ժամանակացույցն այսպիսին է՝ Հայաստան-Լատվիա՝ հուլիսի 11, Մոնտենեգրո-Հայաստան՝ հուլիսի 12, Հայաստան-Իռլանդիա՝ հուլիսի 13, Էստոնիա-Հայաստան՝ հուլիսի 15։ Բոլոր խաղերի սկիզբը 20։00-ին է։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: