Լեհաստանի ֆուտբոլի հավաքականն այսօր ժամանել է Երեւան, որտեղ վաղն Աշխարհի առաջնության ընտրական փուլում ուժերն է չափելու Հայաստանի թիմի հետ:
Այսօր թիմի գլխավոր մարզիչ Ադամ Նավալկան ու ֆուտբոլիստներ Կուբա Բլաշիկովսկին, Պիտոր Ժելինսկին ու Գրեգորժ Կրիկովյակը հանդիպել են լրագրողների հետ:
Ադամ Նավալկա
Իմ թիմում պրոֆեսիոնալներ են հանդես գալիս ու պատրաստ են վաղվա խաղին: Ես գոհ եմ մարզումներից, այսօրվա վերջին մարզման ժամանակ մանրուքների վրա ենք ուշադրություն դարձնելու:
Հայաստանը կազմակերպված թիմ է, առաջին խաղում ծանր էր մեզ համար նրանց դեմ խաղալը: Վաղը եւս ոչ հեշտ հանդիպում է սպասվում:
Կուբա Բլաշիկովսկի
Մեծ պատիվ էր Հենրիխ Մխիթարյանի հետ խաղալ «Բորուսիայում», նա շատ է աշխատել ու դրա համար էլ հասել է այսպիսի հաջողությունների: Կարծում եմ, որ Հայաստանի դեմ խաղը հեշտ չի լինելու, թիմն արագ գործող հարձակվողներ ունի, ովքեր լավ են հակագրոհում: Բայց մենք պատրաստ ենք ու վաղը դուրս ենք գալու հաղթանակի համար:
Գրեգորժ Կրիկովյակ
Ես, ինչպես նաեւ ողջ թիմը, լավ վիճակում ենք գտնվում: Հույսներս դնում ենք մեզ վրա, վաղը պետք է դուրս գանք ու հաղթենք:
Պիտոր Ժելինսկի
Իսկապես, բավականին բարդ խաղ է լինելու Հայաստանի դեմ: Հայերի կազմում հանդես է գալու Մխիթարյանը, որին կփորձենք հսկել ու թույլ չտալ ազատ գործել:
Հայաստան-Լեհաստան հանդիպումը կայանալու է վաղը Վազգեն Սարգսյանի անվան հանրապետական ստադիոնում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: