Ամերիկյան «Ռեալ Սոլթ-Լեյքը» «Սպարտակից» գնել է Յուրա Մովսիսյանի տրանսֆերը:
Ֆուտբոլիստը գոհունակություն է հայտնել, որ դարձել է ակումբի լիիրավ անդամ. «Առաջին օրվանից գիտեի, որ ուզում եմ այստեղ մնալ: Չէի ցանկանում սպասել մինչեւ դեկտեմբեր, երբ ավարտվում էր իմ վարձակալության ժամկետը: Իմ նպատակն էր գործն արագ վերջացնել ու ամբողջովին դառնալ «Ռեալ Սոլթ-Լեյքի» անդամ»:
Ակումբի գլխավոր մենեջեր Քրեյգ Վայբելն էլ խոստովանել է, որ իրենք ուրախ են ձեռք բերել Մովսիսյանի պես հարձակվողի:
«Յուրան շատ լավ ֆուտբոլիստ է, նրան ձեռք բերելը մեր թիմի համար մեկ քայլ առաջ է: Ուրախ ենք, որ պայմանագիրը կայացավ: Համոզված եմ, որ մենք կկարողանանք էլ ավելի լավ հանդես գալ ԱՄՆ-ի առաջնությունում»,- ասել է նա:
Մոսկվայի «Սպարտակը» 2015-ին վարձակալության հիմունքներով Մովսիսյանին հանձնել էր «Սոլթ-Լեյքին»: Այդ ընթացքում նա անցկացրել է 27 հանդիպում ու դարձել 9 գոլի հեղինակ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: