Եվրոպայի անհատական առաջնությունում, որը կայանում է Մոնտենեգրոյի Պետրովաց քաղաքում, շախմատիստներն անցկացրել են 7-րդ տուրի հանդիպումները։
Ռոբերտ Հովհաննիսյանը շարունակում է առաջատարների թվում լինել, նա մի շարք խաղացողների պես 5,5 միավոր է վաստակել ու լրացուցիչ ցուցանիշներով 5-րդն է։ Վերջին պարտիայում նա ոչ-ոքի է խաղացել գերմանացի Ֆրեդերիկ Սվեյնի հետ։
Նույնքան միավոր ունեն նաեւ Մանուել Պետրոսյանն ու Արամ Հակոբյանը, որոնք համապատասխանաբար միավորը կիսել են Իվան Չեպարինովի (Բուլղարիա) հետ ու հաղթել Յան Մալեկին (Լեհաստան)։
6,5 միավորով առաջնության մրցաշարային աղյուսակը գլխավորում է սերբ Ալեքսանդար Ինդյիչը։
5-ական միավոր ունեն Շանթ Սարգսյանը եւ Էմին Օհանյանը, իսկ 4,5-ական՝ Էրիկ Գասպարյանը, Գաբրիել Սարգսյանը եւ Մամիկոն Ղարիբյանը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: