Մարմնամարզության եվրոպական ֆեդերացիան հայտնել է, թե երբ է կայանալու 2027 թվականի Եվրոպայի առաջնությունը։
Առաջնությունն ընդունելու է Երեւանը, իսկ մարմնամարզիկները մեդալների համար կպայքարեն ապրիլի 27-ից մայիսի 2-ը։
Եվրոպական ֆեդերացիան 2023 թվականին Հայաստանին էր վստահել առաջնությունը, սակայն օրերի մասին դեռ հստակություն չկար։ Այն ժամանակ ՀՀ կառավարությունը եւ Երեւանի քաղաքապետարանը հայտնեցին, որ կկառուցվի մարզումային դահլիճ։ Մինչ այս պահը դեռ շինարարական աշխատանքներ չեն կատարվել։ Քաղաքապետարանից հայտնել են, որ այն տեղակայված կլինի «Հրազդան» մարզադաշտի մոտակայքում։
2024-ի տարեվերջյան ամփոփման ժամանակ Հայաստանի հավաքականի գլխավոր մարզիչ Հակոբ Սերոբյանը հայտնել էր, որ առաջնությանը պատրաստվելու համար մարզադպրոց չունենալը մեծ խնդիր է։ Նա նաեւ ավելացրել էր, որ չնայած արդեն մեծ կասկածներ ունի, սակայն դեռ հավատում է, որ խոստումը կկատարեն ու Երեւանը կկարողանա ընդունել ԵԱ-ն։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: