Օլիմպիադա. Հայաստանի տղամարդկանց հավաքականն ուժեղ է եղել Գերմանիայից

Բուդապեշտում շարունակվող Համաշխարհային Օլիմպիադայի 9-րդ մրցափուլում Հայաստանի շախմատի հավաքականները հաղթանակ ու ոչ-ոքի են գրանցել։

Տղամարդկանց ընտրանին 2,5:1,5 հաշվով ուժեղ է եղել Գերմանիայից։ Բոլոր պարտիաներն ավատվել են ոչ-ոքի արդյունքով, մրցակիցների հետ միավորները կիսել են Հայկ Մարտիրոսյանը, Շանթ Սարգսյանն ու Կարեն Գրիգորյանը։ Միակ հաղթանակը 3-րդ խաղատախտակի մոտ գրանցել է Գաբրիել Սարգսյանը, նա ուժեղ է եղել Մաթիաս Բլուեբաումանից։

Հայաստանի հավաքականը վաստակել է 14 միավոր ու լրացուցիչ ցուցանիշներով 9-րդն է։ Առաջատարը շարունակում է մնալ Հնդկաստանը, որն արդեն 17 միավոր ունի։

Հայ շախմատիստուհիները 2:2 հաշվով են ավարտել հանդիպումն Ուկրաինայի հետ։ Լիլիթ Մկրտչյանն ու Մարիամ Մկրտչյանը միավորները կիսել են մրցակիցների հետ, Էլինա Դանիելյանը զիջել է, իսկ Աննա Սարգսյանը հաղթել Իննա Գապոնենկոյին։ 

Կանանց թիմը 14 միավորով 4-րդն է, 2 միավոր ավել ունեցող Ղազախստանն առաջատարն է։

Այսօր կայանալիք 10-րդ տուրում տղամարդիկ խաղալու են Ուկրաինայի դեմ, իսկ կանայք՝ Իսպանիայի։