Հայտնի են Օլիմպիադայում Հայաստանի շախմատի հավաքականների կազմերը

Սեպտեմբերի 10-23-ը Հունգարիայի մայրաքաղաք Բուդապեշտում ընթանալու է շախմատի համաշխարհային 45-րդ Օլիմպիադան։

Տղամարդկանց ու կանանց պայքարում ներկայանալու են նաեւ Հայաստանի հավաքականները։ Տղամարդկանց թիմը վարկանիշով 17-րդն է։ Արման Փաշիկյանի գլխավորությամբ Օլիմպիադայում հանդես են գալու Հայկ Մարտիրոսյանը, Շանթ Սարգսյանը, Գաբրիել Սարգսյանը, Ռոբերտ Հովհաննիսյանն ու Կարեն Գրիգորյանը։

Զավեն Անդրիասյանի գլխավորած կանանց ընտրանին 11-րդն է։ Մեդալների համար պայքարելու են Լիլիթ Մկրտչյանը, Մարիամ Մկրտչյանը, Էլինա Դանիելյանը, Աննա Սարգսյանը եւ Սուսաննա Գաբոյանը։