Այսօր կայանալու է Եվրոպայի շախմատի թիմային առաջնության վերջին տուրը

Մոնտենեգրոյի Բուդվա քաղաքում այսօր կայանալու է շախմատի Եվրոպայի թիմային առաջնության վերջին տուրը։

Հայաստանի տղամարդկանց հավաքականը 8-րդ տուրում 2։2 հաշվով է ավարտել պարտիան Հունաստանի հետ եւ թիմային 11 միավորով զբաղեցնում է 4-րդ հորիզոնականը։ Սերբիան ու Գերմանիան 13-ական միավորով կիսում են 1-ին տեղը։ Այսօր հայ շախմատիստները հանդիպելու են Անգլիայի հետ, որը եւս ունի 11 միավոր։

Կանանց ընտրանին եւս կիսել է միավորները՝ 2։2 հաշվով խաղալով Վրաստանի հետ։ Կանայք 10 միավորով 8-րդն են՝ առաջատար Բուլղարիայից հետ մնալով 4 միավորով։ Այսօր նրանք մրցելու են Լեհաստանի հետ։