Շախմատի Օլիմպիադայում մինչ այս եղած ամենալարված ու կարեւոր դիմակայությունը կայացավ այսօր:
Առաջատար Հայաստանն ու 2-րդ տեղում ընթացող ԱՄՆ-ը անզիջում պայքար ծավալեցին: Վարկանիշով ավելի բարձր ԱՄՆ-ի հավաքականի կազմում հանդիպումը բաց թողեց Լեւոն Արոնյանը:
Առաջինն ավարտվեց Հրանտ Մելքումյան-Ուեսլի Սո պարտիան, որտեղ Սոն պարզապես հիանալի քայլ կատարեց՝ ստիպելով մեր շախմատիստին պարտված հեռանալ:
Փոխարենն առաջին խաղատախտակի վրա հիանալի գործեց Գաբրիել Սարգսյանը, որը հաջողությունը զարգացրեց ու ստիպեց Ֆաբիանո Կարուանային խուճապի մատնվել՝ ի վերջո հասնելով հաջողության:
Հաջորդ հաղթանակը կրկին ամերիկացիների կողմից էր, չնայած գործադրած ջանքերին Սամվել Տեր-Սահակյանը չդիմացավ Լենիեր Դոմինգեսի ճնշումներին ու զիջեց:
Գրեթե 6 ժամ տեւած Ռոբերտ Հովհաննիսյան-Սեմ Շենքլանդ խաղում սեւերով հանդես եկող հայ գրոսմայստերը, որն ուներ առավելություն, բավական երկար չարչարվեց հաղթանակի հասնելու համար եւ կարողացավ հասնել ցանկալի արդյունքի ու հաղթանակ տոնել:
Հայաստան-ԱՄՆ խաղն ավարտվեց 2:2 հաշվով: Սա մեր թիմի առաջին ոչ-ոքին էր:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: