Սենթ Լուիսի միանձնյա առաջատարը Լեւոն Արոնյանն է

ԱՄՆ-ի Սենթ Լուիս քաղաքում մեկնարկել է Grand Chess Tour-ի հերթական փուլը:

Անցնող տուրերում հաջող հանդիպումներ է անցկացրել Լեւոն Արոնյանը: Հայ շախմատիստը տոնել է 4 հաղթանակ ու 2 անգամ էլ պարտիան ավարտել ոչ-ոքի:

Այժմ Արոնյանը 10 միավորով միանձնյա գլխավորում է մրցաշարային աղյուսակը: 9 միավորով երկրորդ տեղում Մաքսիմ Վաշյե-Լագրավն (Ֆրանսիա) է, իսկ 8 միավորով լավագույն եռյակը եզրափակում է Ֆաբիանո Կարուանան (ԱՄՆ):

Այսօր կկայանան արագ շախմատի վերջին երեք հանդիպումները, իսկ օգոստոսի 13-ից կսկսվեն բլից պարտիաները: