Հայաստանի շախմատի չեմպիոններին պարգեւատրել է Սերժ Սարգսյանը

Տիգրան Պետրոսյանի անվան շախմատի տանը կայացել է Հայաստանի առաջնությունների պարգեւատրությունը:

Մեդալակիրներին պարգեւները հանձնել է Հայաստանի շախմատի ֆեդերացիայի նախագահ Սերժ Սարգսյանը:

Աշոտ Անաստասյանի անվան արագ շախմատի առաջնության չեմպիոնի կոչումը նվաճել է 2018-ի Հայաստանի չեմպիոն Հայկ Մարտիրոսյանը: Նա վաստակել է 7,5 միավոր, 2-3-րդ տեղերը 7 ու 6,5 միավորով զբաղեցրել են Շանթ Սարգսյանն ու Արամ Հակոբյանը:

Հայաստանի առաջնությունների հաղթողներն էլ Արման Փաշիկյանն ու Մարիա Գեւորգյանն են: Փաշիկյանը կրկնել է 10 տարվա հաջողությունը, Գեւորգյանի համար էլ դա 3-րդ չեմպիոնությունն էր:

Հայկ Մարտիրոսյանը 5,5 միավորով 2-րդն է, եռյակն էլ եզրափակել է Սամվել Տեր-Սահակյանը 5 միավորով: Կանանց առաջնությունում 5,5-ական միավորով մեդալակիրներ են դարձել Սուսաննա Գաբոյանն ու Սիրանուշ Ղուկասյանը: