Էլինա Դանիելյանը Եվրոպայի անհատական առաջնությունում ունի 5,5 միավոր ու առաջատարից հետ է ընդամենը կես քայլով:
Կանանց հավաքականի մարզիչ Զավեն Անդրիասյանը կարծիք է հայտնել, որ հայ շախմատիստուհին լավ շանսեր ունի մրցանակային տեղ գրավելու համար:
«Էլինան լավ է պատրաստվել այս առաջնությանը: Նա նաեւ տղամարդկանց ԵԱ-ում էր հանդես եկել, բայց անհաջող: Դա էլ ինչ-որ տեղ օգնեց նրան, որպեսզի ավելի հավաքված հանդես գա այս պայքարում: Առաջնությունում կայանալու է վերջին երեք տուրը, որոնք անչափ կարեւոր են: Կարծում եմ, որ Էլինան կարող է տեղ գտնել լավագույն եռյակում, իսկ եթե դա նրան չհաջողվի, ապա կկարողանա Աշխարհի գավաթի ուղեգիր նվաճել»,-ասել է Անդրիասյանը:
Աշխարհի գավաթի ուղեգիր կարող են նվաճել այն շախմատիստուհիները, ովքեր Եվրոպայի առաջնությունում ելույթը կավարտեն առաջին 14 հորիզոնականներում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: