Արոնյան-Լագրավ պարտիան ավարտվել է ոչ-ոքի

London Chess Classic-ում երեկ կայացած 5-րդ տուրում միակ հաղթանակը կրկին տարել է ԱՄՆ-ն ներկայացնող Ֆաբիանո Կարուանան:

Այս անգամ նա առավելության է հասել Աշխարհի նախկին չեմպիոն Վիշվանաթան Անանդի (Հնդկաստան) նկատմամբ: Լեւոն Արոնյանը սպիտակ խաղաքարերով միավորները կիսել է Մաքսիմ Վաշյե-Լագրավի (Ֆրանսիա) հետ:

Կարուանան 3,5 միավորով վստահ գլխավորում է մրցաշարային աղյուսակը, Արոնյանը 2,5 միավորով ընթանում է 4-րդ տեղում: Այսօր մրցաշարում հանգստյան օր է, իսկ վաղը հայ շախմատիստը կհանդիպի Ուեսլի Սոյին (ԱՄՆ):