Թբիլիսիում երեկ Աշխարհի գավաթի կիսաեզրափակչում Լեւոն Արոնյանն ու Մաքսիմ Վաշիե-Լագրավն երկրագուներին հետաքրքիր ու չափազանց լարված դիմակայություն պարգեւեցին:
Բարեբախտաբար, արմագեդոն պարտիան ավարտվեց հայ շախմատիստի հաղթանակով, որը եզրափակչում մրցելու է չինացի Դին Լիրենի հետ:
Հաղթանակից հետո հայ շախմատիստը խոստովանել է, որ անչափ երջանիկ է հավակնորդների մրցաշարում հանդես գալու իրավունք վաստակելու համար: Շախմատիստը Հայաստանի անկախության օրը երջանկացրել է նաեւ իր հայրենակիցներին:
«Թայ-բրեյքին հատուկ չեմ պատրաստվել, պարպազես պետք է կարողանաս նման իրավիճակներում հավատալ ինքդ քեզ: Երկուսս էլ նյարդերի հետ կապված խնդիրներ ունեինք: Մահման պարտիայում Վաշիե-Լագրավն ընտրեց սեւ խաղաքարերն ու ոչ-ոքիի իրավունքը: Այդ արդյունքին հասնելը շատ հեշտ էր»,- ասել է Արոնյանը:
Սեպտեմբերի 30-ին նշանակված է շախմատիստի հարսանիքը: Նա կատակով նշել է, որքան երկար մնա Թբիլիսիում, ավելի քիչ կզբաղվի կազմակերպչական հարցերով:
Աշխարհի Գավաթի եզրափակչի առաջին պարտիան մեկնարկելու է սեպտեմբերի 23-ին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: