Հովհաննես Բաչկովը կմասնակցի Աշխարհի առաջնությանը

Դուբայում մեկնարկած բռնցքամարտի Աշխարհի առաջնությանը կմասնակցի նաեւ Հովհաննես Բաչկովը, թեեւ Հայաստանի հավաքականի նախնական հայտացուցակում չի եղել։

IBA-ն հնարավորություն է տվել IBA PRO գոտին նվաճած մարզիկներին նույնպես ելույթ ունենալ ԱԱ-ում։ Մինչեւ 67 կգ քաշային կարգում հանդես կգա 2 հայ մարզիկ, կմասնակցի նաեւ Արմեն Մաշակարյանը, հայտնում է Հայաստանի բռնցքամարտի ֆեդերացիան։

Եվրոպայի չեմպիոն, Աշխարհի եւ Օլիմպիական խաղերի բրոնզե մեդալակիր Հովհաննես Բաչկովը վերջին շրջանում ուժերը փորձում է պրոֆեսիոնալ ռինգում եւ 8 մենամարտից նույնքան հաղթանակ ունի գրանցած։