Երիտասարդական ԱԱ-ում հայ բռնցքամարտիկները մեկնարկել են հաղթանակով

Մոնտենեգրոյի Բուդվա քաղաքում մեկնարկել է բռնցքամարտի երիտասարդական Աշխարհի առաջնությունը։

Առաջին օրը Հայաստանն ունեցել է չորս ներկայացուցիչ, բոլորն էլ հաղթանակ են տարել։

Էրիկ Առստամյանն (57 կգ) ուժեղ է եղել վրացի մրցակցից, Անդրանիկ Մարտիրոսյանը (60 կգ) գերազանցել է գերմանացի, իսկ Ռաֆայել Ներսիսյանը(63,5 կգ)՝ ղրղզ բռնցքամարտիկներին։ Արթուր Ավետիքյանի(54 կգ) մրցակիցը հրաժարվել է մենամարտից, Ավետիքյանը մենամարտ ունի նաեւ այսօր։

Նրանից բացի այսօր ռինգ դուրս կգան Վաղարշակ Քեյանը (48 կգ), Արշակ Բաբլումյանը (71 կգ) եւ Ալբերտ Հարությունյանը (75 կգ)։