Հայ բռնցքամարտիկները Գեորգի Կանդելակիի մրցաշարից կվերադառնան մեդալներով

Վրաստանի Գորի քաղաքում ավարտվել է Աշխարհի ու Եվրոպայի չեմպիոն Գեորգի Կանդելակիի անվան բռնցքամարտի միջազգային մրցաշարը, որին մասնակցում էր նաեւ Հայաստանի հավաքականը։

Բռնցքամարտի ֆեդերացիայից տեղեկանում ենք, որ մրցաշարի ոսկե մեդալակիրներ են դարձել Ռուդոլֆ Գարբոյանը (51 կգ), Արթուր Սահակյանը (60 կգ), Նարեկ Զախարյանը (71 կգ) եւ Աղվան Ալեքսանյանը (80 կգ)։ 

Հովհաննես Հարությունյանը (48 կգ), Ռուսլան Ասլիկյանը (54 կգ), Արես Հակոբյանը (67 կգ) ու Գարիկ Անթանոսյանը (75 կգ) կանգնել են պատվոհարթակի երկրորդ ասիճանին։

Ավելի վաղ Արեն Ասլամազյանը, Յուրա Բաբլումյանը եւ Հենրի Ճղրիկյանը դարձել էին բրոնզե մեդալակիրներ։