Եվրոպայի գավաթ․ Հայ բռնցքամարտիկներից երեքը պարտվել են ու լքել պայքարը

Մոնտենեգրոյի Բուդվա քաղաքում ընթանում է բռնցքամարտի Եվրոպայի գավաթի խաղարկությունը։

Երեկ Հայաստանը ներկայացնող բռնցքամարտիկները պարտություններ են կրել։ Մեկնարկային մենամարտերում մրցակիցներին զիջել ու պայքարը լքել են Արթուր Ղազարյանը (60 կգ), Նարեկ Հովհաննիսյանը (63,5) եւ Զավեն Գալստյանը (71 կգ)։

Այսօր պայքարի են դուրս գալու Կարեն Աղամալյանի սաներից եւս 5-ը։ Բարեղամ Հարությունյանը (48 կգ) հանդիպելու է Յակուբ Սլոմինսկու (Լեհաստան), Գուրգեն Մադոյանը (67 կգ)՝ Նեիչ Պետրիչի (Սլովակիա) հետ։

Ռաֆայել Հովհաննիսյանի (96 կգ) մրցակիցը Դմիտրի Կոշիուգն (Մոլդովա) է, Համբարձում Հակոբյանինը (80 կգ)՝ Անդրեյ Արադոին (Մոլդովա), իսկ Դավիթ Չալոյանը (+92 կգ) ուժերը կչափի հոլանդացի Ստան Բերտենսի հետ։