Հայ բռնցքամարտիկները կմասնակցեն Եվրոպայի գավաթի խաղարկությանը

Հոկտեմբերի 8-14-ը Մոնտենեգրոյի Բուդվա քաղաքում կայանալու է բռնցքամարտի Եվրոպայի գավաթի խաղարկությունը։

Նման մրցաշար Եվրոպական ֆեդերացիան անցկացնում է առաջին անգամ։ ՀԱՕԿ-ից հայտնում են, որ Բուդվայում հանդես է գալու նաեւ Հայաստանի հավաքականը։ Հայ բռնցքամարտիկներն այժմ ուսումնամարզական հավաք են անցկացնում Անապայում:

Գավաթի խաղարկության մրցանակային հիմնադրամը 507 հազար դոլար է, հաղթողները կստանան 15,000, 2-րդ տեղը զբաղեցնողները՝ 10,000,  3-րդը՝ 5000, 5-րդը ՝ 1000 դոլար:

Նշվում է, որ եզրափակիչները նախատեսվում է անցկացնել բացօթյա։