Եկատերինա Սիչեւան զիջել է ԱԱ-ի մեկնարկային մենամարտում

Նյու Դելիում ընթացող բռնցքամարտի կանանց Աշխարհի առաջնությում երեկ մեկնարկային օրն էր։

Հայաստանի առաջին մասնակից Եկատերինա Սիչեւան մինչեւ 54 կգ քաշային կարգում հանդիպել է Ֆրանսիան ներկայացնող Դելֆինե Մանչինիի հետ ու պարտություն կրել։

Այսօր ռինգ է դուրս գալու Էլիդա Քոչարյանը (60 կգ ), նրա մրցակիցը սլովակ Միրոսլավա Եդինակովան է։

Հայաստանն ԱԱ-ում ներկայացնում են նաեւ Գայանե Տեր-Բարսեղյանը (48 կգ ), Անուշ Գրիգորյանը (50 կգ ), Սոնա Հարությունյանը (63 կգ ) եւ  Անի Հովսեփյանը (70 կգ)։

Մրցաշարի մրցանակային ֆոնդը կազմում է 2,4 մլն դոլար: Հաղթողը ստանալու է 100 հազ. դոլար, իսկ 2-3-րդ տեղերը զբաղեցրածները՝ 50 հազ. եւ 25 հազ.: