Ստրանջայի մրցաշարի մեկնարկային օրը Հայաստանը միայն մեկ բռնցքամարտիկ ունի

Հայաստանի բռնցքամատի հավաքականը Բուլղարիայում է, որտեղ մասնակցում է 74-րդ անգամ անցկացվող Ստրանջայի միջազգային մրցաշարին:

Այս տարի սովորաբար ուժեղ կազմ հավաքող մրցաշարում ուժերն է չափելու 38 երկրի մոտ 250 բռնցքամարտիկ: Այսօր պայքարի առաջին օրն է, ու հայ բռնցքամարտիկներից հանդես է գալու միայն Արթուր Շախպազյանը (63,5 կգ)։ Նրա մրցակիցն է լինելու Նորվեգիան ներկայացնող Սայեդ Կազեմին:

Հայաստանը մրցաշարին մեծաքանակ թիմով է մեկնել: Ելույթ են ունենալու նաեւ Բարեղամ Հարությունյանը (48 կգ), Ռուդոլֆ Գաբոյանը (51 կգ), Հենրիկ Սահակյանը (54 կգ), Արթուր Բազեյանը (57 կգ), Արթուր Ղազարյանը (60 կգ), Նարեկ Հովհաննիսյանը (63 կգ), Արարատ Հարությունյանն ու Գուրգեն Մադոյանը (67 կգ), Վախթանգ Հարությունյանը (75 կգ), Համբարձում Հակոբյանն (80 կգ) ու գերծանր քաշային Դավիթ Չալոյանը: