Էրիկ Իսրայելյան. Երբ տանջվում ես ու հասնում քո նպատակին, աննկարագրելի է

Օրեր առաջ Էրիկ Իսրայելյանը շատ տպավորիչ կերպով հռչակվեց երիտասարդերի Եվրոպայի չեմպիոն:

Բռնցքամարտիկը 5 հաղթանակ տարավ՝ 3 անգամ մրցակիցներին գերազանցելով նոկաուտով: Իսրայելյանը Mediamax Sport-ին պատմել է չեմպիոնական զգացողությունների ու հաղթանակի կարեւորության մասին:

«Զգացողություններս, միանշանակ տարբերվող էին, որովհետեւ երբ տանջվում ես ու հասնում քո առջեւ դրված նպատակին, աննկարագրելի է: Այս ոսկե մեդալը նվաճելն իմ նպատակներից մեկն էր, որն իրականացրի:



Բուլղարիա էի մեկնել միայն 1-ին տեղը գրավելու նպատակով, ուրախ եմ, որ ստացվեց հաղթանակած վերադառնալ: Շատ լավ մենամարտեր անցկացրի ու որոշեցի նույն կերպ էլ առաջ շարժվել ու նոկաուտներ արձանագրել, որպեսզի մրցավարական կողմնապահություն չլինի ու ոչինչ չազդի հանդիպման ելքի վրա:

Բոլոր մրցակիցներիս էլ ոչ մի շանս չտվեցի ու նրանց նկատմամբ առավելության հասա մեծ տարբերությամբ:

Լուսանկարը` IBA